Vatnajokull.com
Álfaheiði 1E
200 Kópavogur, Iceland
Tel: +(354) 564-6452

e-mail langjokull@vatnajokull.com


Langjökull
Annar stærsti jökull landsins, 950 km2 og eru þá ekki taldir með Þórisjökull og jökull á Hrútafelli. Hæsta bunga hans er 1.355 m en annars er mikið af jöklinum í 1200 til 1300 m hæð.
Langjökull hvílir á móbergshásléttu og virðist vera skiptur í tvö jökulhvel og hallar frá þeim báðum. Ýmis fell og fjöll eru í jökulröndinni. Á austurhliðinni eru Jarlhettur syðstar, tindóttur móbergshryggur. Norðar er Skriðufell við Hvítárvatn og Leggjabrjótur með Sólkötlu nokkru norðar og síðan tindar vestur af Hrútafelli og Þjófadölum. Má þar nefna Fjallkirkju (1.228 m) vestur af Hrútfelli og Hyrning (1.330 ), nokkru ofar í jöklinum. Austan við Fjallkirkju stendur eitt af sæluhúsum Jöklarannsókarfélagsins, reist 1979. Suðvestan og austan í hæstu bungu jökulsins eru tindarnir Þursaborg (1.290 m) og Péturshorn. Að norðanverðu rísa Jökulstallar upp frá jafnsléttu Fljótsdraga upp að jökulrönd en suðvestan þeirra eru eldvörp þau tvö (751 og 754 m) sem Hallmundarhraun er frá komið. Sunnar og vestar er Hafrafell en sunnan jökulsins Hagafell. Sérstakir hlutar hafa sín eiginnöfn svo sem Geitlandsjökull vestast, sunnan við hann er Þórisdalur er skilur Þórisdal frá Langjökli. Norðurhvelið hefur verið kallað Bald- eða Balljökull.

Þursaborg og geilin. Þurs á veldisstóli horfir suður yfir Langjökul.
Eiríksjökull í baksýn

Allmargir skriðjöklar ganga út frá Langjökli. Mestir eru þeir tveir er falla hvor sínum megin Hagafells. Norður og Suðurjökull ganga niður að Hvítárvatni. Flosajökull liggur niður í Flosaskarð og Þrístapajökull fellur ofan í Jökulkrók gengt Þrístapafelli sem er móts við norðurenda Eiríksjökuls og litlu nær honum en Langjökli.
Minna vatn rennur frá Langjökli ofanjarðar en vænta mætti eftir stærð hans og úrkomumagni á þessu svæði. En neðanjarðar rennur frá honum mikið vatn suður í Brúará og Þingvallavatn, suðvestur í Reykjanesfjallgarð og niður í Borgarfjörð og á Arnarvatnsheiði. Talið er að heita vatnið á þessu svæði sé frá honum komið.


Halldór Guðmundsson og GMC á Langjökli, föstudaginn langa 2002 Geitlandsjökull í baksýn