SPOTLIGHT:

Reykjafjörður

Ferðast á Vestfirði

Seinagengið
Heimildir

Beðið færis

Veður var ekki hagstætt á föstudaginn langa. Jeppafólk tók því daginn rólega og undirbjó sig undir stóra daginn, D-dag. Tveir jeppar fóru þó í skoðunarferð á Norðurfjörð en þar er jarðhiti og hægt að komast í sund. Laugin var óhrein svo ekki varð úr sundferð. Kíkt var við á fyrrum hákarla-slóðum, Gjögri. Eins var kíkt í Trékyllisvík og galdraslóðir heimsóttar.
Það er mögnuð saga á þessum spotta frá Veiðileysu til Norðurfjarðar, sagan úti um allt; sjóorusta, galdrabrennur, landnámsmenn og síldarævintýri. Hér eiga Strandamenn mikil sóknartækifæri í menningar-tengdri ferðaþjónustu en sú tegund ferðaþjónustu er í mikilli sókn.

Dóri Meik var tarnaður eftir viðgerð næturinnar og slappaði af í koti. Síðar um daginn var samt tekin æfing á Veiðileysusvæðinu til að athuga hvort hosan þyldi álagið. Jeppinn komst vel áfram en að lokum náði snjórinn að festa hann og við það sauð á honum. Jeppin var samt útskrifaður.

Gunni Stimpill Þessi Toyota HiLux er með fleiri stimpla en aðrir. Gunni Stimpill gerir gæfumuninn. Nafnið er tilkomið af því að hann á og rekur Stimplagerðina Boðann.

Soðið á vélinni Það gengur mikið á og stundum lætur eitthvað undan. Dóri var að prófa "nýju" hosuna og lét vélina finna fyrir því. Gríðarleg átök eiga sér stað undir vélarhlífinni og í þetta skiptið sauð á henni, hiti fer í 230 gráður. Það tekur samt stuttan tíma að ná hitanum í rétt horf.

Festa Gemsinn fastur og Kambur í baksýn. Við mokuðum og þegar farið var niður í 4 pund í loftþrýsing gekk að losa ofurjeppann.

Mokið, mokið, mokið meir snjó... Dóri að moka snjó undan hásingunni með nýju skóflunni sem keypt var á Brú. Hún bognaði við átökin.

Sigþór á Daihatsu Rocky Léttur dieseljeppi. Hér er hann að hringa Dóra í festunni, hann náði fjórum hringjum. Með honum á myndinni er efniegur jeppadrengur, Ásþór Göslarason.

GMC x 2 Hér sést aftan á tvo Gemsa. Að vísu er búið að mixa þá mikið og setja aðrar vélar. Rauð jeppin er með fjórar dyr. Hann lenti í vélarbilun í Drangajökulsleiðangri og sá svarti dróg hann til Reykjavíkur á páskadag. Ferðalagið tók 8 tíma og eyðslan var um 30 lítrar á hundraðið...

Jeppafloti Seinagengisins Tveir Toyota HiLux, tveir Gemsar og Daihatsu Rocy. Göslarinn, Gunni Stimpill, Dóri Meik, Hjörtur og Sigþór.

Ferð undirbúin Gunni Stimpill að undirbúa ferð á Norðurfjörð á föstudaginn langa. Þar er sundlaug, Krossaneslaug sem nýtir jarðhita.