Teng efni:

Reykjafjörður

Ferðast á Vestfirði

Seinagengið
Heimildir

Drangajökull

Veðurspáin bauð uppá él og það var skýjað yfir Veiðileysu. Seinagengismeðlimir ákváðu samt að gera tilraun og vona að hann rifi af sér þegar upp var komið. Við höfðum heyrt af hóp sem fór á föstudagin langa og færið var í lagi en lélegt skyggni.
Það er hægt að komast upp á heiðina á nokkrum stöðum, auðveldast er að fara upp hjá Veiðileysuhálsi og feta sig inn eftir Reykjarfirði og koma upp Búrfellshæðir. Þegar jeppamenn koma niður fara þeir norðan meginn Búrfells og niður Breiðadal. Við ákváðum að fara upp Breiðadal og fylgja förum sem voru þar fyrir. Þegar horft er á þessa leið á Íslandskortinu í Ráðhúsi Reykjavíkur er hún mjög brött og ótrúlegt að jeppar komist þar upp en þetta er þekkt vélsleðaleið.

Búnaður jeppanna var góður enda vanir menn á ferð. GPS tæki eru í jeppunum og talstöð. Eins eru NMT farsímar í eigu flestra. Það sem gerir jeppunum mögulegt að komast áfram á hjarninu er sú tækni að hleypa úr dekkjunum. Þegar við lögðum af stað úr Reykjavík var 25 punda þrýstingur en við minnkuðum niður í 10 pund á leiðinni frá Hólmavík til Veiðileysu því vegurinn var svo blautur. Á leiðinni upp Breiðadal var farið niður í 4 pund.
Einn jeppinn var búinn loftbyssu og pumpaði hann í dekkin þegar auka þurfti þrýsting.

Reykjarfjörður Þessi sýn blasti við okkur þegar við vorum komnir á Búrfellsbrúnir eftir 300 til 400 metra hækkun. Frá þessum stað til Drangajökuls eru um 25 km.

Hliðarhalli Þarna var einn tvísýnasti kafli leiðarinnar, nokku brött brekka og milill hliðar- halli. Við klifruðum á jeppunum upp Breiðadal upp á Búrfellsbrúnir, 300 til 400 metra. Hér er búið að hleypa úr dekkjum og loftþrýsingur er um 4 pund. Það þarf vel búna jeppa til að komast þetta og eins góða ökumenn.

Við Búrfellsbrúnirí Krakkarni leika við hvurn sinn fingur en jeppakarlanir eru að reyna að komast upp. Þessi brekka var of brött, við fórum því til hliðar en þar var nokkur hliðar- halli og dalur þar fyrir neðan. Þeir hafa haft góðan húmor sem völdu nöfn á dalina við botn Reykjafjarðar, Breiðidalur sem við klifruðum upp og við hlið hans er náttúrulega Mjóidalur. Hér er því hægt að sjá andstæður á breiðu og mjóu.